A 53 veina CSA Kumsim Khawmpi Kizo
Thanks for returning to Vaphual.net, have you subscribed to the latest Zomi news & articles?. Become a registered member and start writing for Vaphual.net. Thanks for visiting!
Khuado Pawi Zong Nuamtakin Kizang
Nt. 01-02 October, 2009 sung a 53 veina Chin Students Association General Headquarters Kumsim Khawmpi nuamtakin Tedim Chin Cultural Club (TCCC) Hall, Lanva ah kizota hi.
Hun paisa mah bangin tutung zong Khuado Pawi tawh zong kimang khawm hi. Mipi tam thei mahmah a, hall dim gige-in mi 7800 bang
paikhawm hi.
Program kizat zia taangpi:
Nt. 01-10-09 (Laizing), 5:30 PM:
Program pen sangnaupang vaai mahmah-in ahun maantak-in kipan thei a, hih hun ah zinpi leh zinmaang dinga kicialte anuai-a bang ahi hi:
Dr. B. Kam Za Mung – Zin Maang
Sia Nang Thian Kham – Functional President
Lia Jacintha Lazarus, IAS- Zinpi (DC, CCPur)
Amau teng makaite in a cialna bangin hong kihel thei ciat uh a, sangnaupangte a dingin thu manpha pipi hong kuppih ban uah, laibawm neu nono zong CSA panpihna dingin hong tawi ciat uh hi.
CSA President Madam Niangno’ makaihna-in CSA HQ in Zinpinu kiangah ngetna lai khat zong pia uh hi.
Hih hun sung mah-in quartet leh lapawl sak kidemna zong om a, Sia Kyaw Khai in aphuah la khat unit tuamtuamte hong kidem ziahziah uh hi.
Lasa dinga aki cial Benny Khongsai, Tg. LG Guite, Kakai Kipgen, Janglal Khongsai, Lia Doney leh Lia Liani te in la atuamtuam hong sa-in mipite thatho sak mahmah hi.
Nt. 02-10-09 (Laithai), 10:30 AM: Hih hun pen Khuado Pawi in kimang a, TCCC leh TCU makaite in hun zatna nei uh a, TCU Golden Jubilee kum 2011 ciangin thupitak-in kizang ding hi ciin Jubilee Committee Chairmanpa in hong pulak hi. I ciindan-tawndan leh inam ngeinate genkhawmna hun-in kizang hi.
Hun zawhna dingin TCCC makaite thusiamna tawh mipite in Hall sungah laamvuui kaihna nei ngeingai uh hi. Mipi paikhawmte
theitui leh gaaza tawh kivaak thau uh hi.
2:00 PM: Hih hun pen CSA General Assembly neihna hun-in kizang a, HQ leh unit tuamtuamte in thusun tuamtuamte kamkupkhopna nei uh hi. General Election neih ding kici hi napi-in Lamzang leh Tangnuam unitte kumah kihel lo-in Lamka unit panin member nih (2) bek kihel ahih manin quorum cing zolo a, hun dang a dingin Election makaite in suan uh hi.
5:30 PM: Ahun lian mah-in kipan kik a, Dr. Pum Khan Pau (Asst. Prof) -zinmaang, Dr. T. Hatzaw (Med. Supdt., Dist Hosp, CCPur) – Functional President leh Pu Richard L. Haokip (Principal, Grace Academy) – zinpi in hong uap uh hi.
Education Dept. te in CSA member lawhcin’na ngahte lungdampihna pia uh a, Games & Sports Dept. te in CSA Sports sunga gualzote thaman piakna nei uh hi. Lasak kidemna ah a siampente zong Music Dept. in thaman piakna nei uh hi.
Hih teng bang akizawh ciangin, mi khempeuh in angaklah mahmah uh Miss CSA leh Mr. CSA kidemna hong kipan hi. Traditional
round leh modern round om tuak hi.
Miss CSA:
1. Lia Cing Biak Lian – Miss CSA (Blue Star Unit)
2. Lia Huaipi – 1st Runner-Up (Blue Star Unit)
3. Lia Mary Man Lun Kim – 2nd Runner-Up (Lanva Unit)
Mr. CSA:
1.Tg. Lalbawi – Mr. CSA (Lanva Unit)
2.Tg. Mungpi – 1st Runner-Up (Blue Star Unit)
3. Tg. Kham Khual – 2nd Runner-Up (Blue Star Unit)
Miss CSA lukhu pen Lia Cing Lam Kim, Miss CSA 2007-08 in apiakkhiatna nei hi.
Hun khakna dingin Pastor Kam Piang in thungetna hong nei-a, mipite lungdamtak-in nuihmai hiuhiau kawmin kikhen uh hi.
Related posts:
