Obama In America Gam Zungpi Mahatma Gandhi Hi Ci
Thanks for returning to Vaphual.net, have you subscribed to the latest Zomi news & articles?. Become a registered member and start writing for Vaphual.net. Thanks for visiting!
Leitungbup in tuni, 2 October in International Day of Non-Violence a zat laitak in, US President Barack Obama in America i “zung/kipatna pen Mahatma Gandhi’ India ahi hi.” ci hi.
“Ama ngaihsutna leh nuntak pih thupite Martin Luther King Jr. in 1959 kum in India a zin lai in na hilh a, tua in Americate nuntakzia civil rights movement zang in kheng lamdang hi” Mahatma Gandhi pianni lawpni in Obama in gen hi. Americate in Gandhi tung ah lungdamna lianpi bat nei lai hi, ci hi.
“Tu laitak a America in a kipatna India mi Mahatma Gandhi pan leh India gam a suahtak na ding in thauvui-thautang zanglo a suahtakna a hanciamnate uh ahihi,” ci-in Obama in a thusuah (statement) ah gelh hi. America mipite sik leh tang in Mahatma Gandhi nuntakna leh nuntakzia, leh hong hilh thuhoihte hang in lungdamthu ka gen hi ci hi.
“Tuni pen ama thugente leh thuzuihte ngaihsut ding a kiphamawh thu hi a, tuni dong in tua thute in leitung mun tuamtuam ah mite leh political movement tuamtuam tha pia lai hi”, ci hi.
“Tuni in India gam mipite tawh Mahatma Gandhi nuntakna – thumaan gup ngamna, thuakzahna (telorance) leh thauvui-thautang lo tawh nuntakzia laihna – i pahtawi uh hi,” Obama in ci hi.
Leitung bup in Mahatma a pianni in a phawk laitak in, Obama in, “Ama nuntakpih thuhoihte (ideals) leh mihing khempeuh kikim a hihna phawkpha kik ni,” ci hi
Kumsim in 2 October pen International Day of Non-Violence ci in Mahatma Gandhi pianni phawkna in United Nations in zang den hi.
India ah kumsim in 2 October pen Gandhi Jayanti ci in kumpi leh sanginn khempeuh kikhak tawntung hi.
Related posts:
