Siamsin Awging 14 January 2010 Issue – Editorial

Thanks for returning to Vaphual.net, have you subscribed to the latest Zomi news & articles?. Become a registered member and start writing for Vaphual.net. Thanks for visiting!

Zomi le Picinna

Siamsing Awging latest issue download page pan download theih hi!

Kumthak hun ahihmah bangin pawlpi kimah kumcin meeting ki nei tek hi.Kum khat sung kalsuanziate enpha in kalthak suan nading zong ki gel tek kha ding hi.Siamsin Kipawlna in zong asawtlo in makai thak le panmun thak kitelnate zong kinei ding hi.Meeting le panmun len kiteelna pan lung kim lohna tuamtuam tawh phunphun leng a nop laitak hun zong hikhading hi.I deih thu tampi hong ki semlo ding a, i-awi loh thu tampi hong ki vaihawm ding hi.

Hih thukikupnate ah picing ding hun hita hi.Pawlpi thu vaihawmnate ah mipi in vote pia in hong ki kawlsuanpih zawh kum 100 acing kei zongin naih mahmah tading hi. Meeting kibawlna mun ah atawmzaw atawmzaw thu kimna tawh nang hoih sak thu khat hong ki nawl khin sak kha ding hi.Pawlkhat te in nang thugen limlim hong nial nuam deuh bang kha ding hi.Thukhat aki gen sim nang hong kap den tawh zong ki bang kha ding hi.Hih bang thute hangin hehin na nuak kha hiam? Na phunphun kha hiam?

Ki heh theikha ding hi. Aih hang na lungsim sung kem lel in. Phun khak na mun omding hi.Ahih theih leh phun kei zaw in . Ki puah tuanlo ding hi. Nang i hoih nasak le hoih nasaklohna ahihleh suakta tak gen lel in. Nang hoih hong ki sakna le hoih hong ki saklohna zong hong ki gen lel ding hi. Pau lo in kuamah ki omzo tuanlo hi. I theih ding thu in i nuak khakloh ding thupi zaw hi. Obama zong a phun san na om veve hi.

Thu kikupna hunsung ah bel nang deihna gen in. Hoihna sakna hoihna sak lohna gen in.Tua bang gen nadingin thu kikupna kibawl ahi hi. Thu khen satna peuh a ngai dingin thu kikupna a kipai hilo hi. A kikum dingin a kipai hi zaw hi.

Na nasepna tungah mite mawhsakna le kawknate hangin khasia kei inla, thanem kha kei in . Amaute siatgenna hangin na dinmun kikhin tuanlo ding a, nasepna kisusia tuanlo ding hi. A hawm gin dal tuah hilel hi.Kilemna, khantohna le kipumkhatna ding ahih leh lungsim picing tak nadinmun sikkip in ding hithiat lel in.

Related posts:

1. Inntek Lungsim – Siamsin Awging Editorial
2. Siamsin Magazine November 2009 Issue cover
3. Zangkong Khuahun 12 January 2010
4. Zangkong Awging 2010 Subscription Ki Hong Lai!
5. Aizawl Khua Hun 15 January 2010
6. Zogam News 22 January 2010
7. Hello! Zomi – January 2010 Edition
8. Zogam News 26 January 2010
9. Zogam Diary January 2010
10. Zogam News 25 January 2010