Tag Archives: khuado pawi

Zogam mual leh gual kilawm!

New Delhi Khuado 2012 Cialna leh Program

Leave a reply

INVITATION

The Zomi Youth Association, Delhi Region invites each and everyone to Khuado 2012 to be observed on December 1, 2012 at SDG (CRPF), Football Ground, JNU Old Campus from 10:30 am to 4:30 pm.

The First Session will mainly highlight Khuado, its significance, rituals, thanksgiving to God the Almighty, prayer and blessings for the Zomis by all Zomi Pastors in Delhi;  short speeches from Zomi Civil Societies,Delhi.

The Second Session will be Cultural Events and Musical Concert by celebrated artistes.  There will be a Khuado Feast in between the two sessions at Lunch Time.

Khuado festival is celebrated each year around the globe in at least 35 countries. It is the annual festival of the Zomis, a day of thanksgiving for the Lord’s abiding guidance, providence and omnipresence in our lives.

The ZYA feels privileged to host this festival which is a symbol of oneness and a way to showcase the traditional and cultural wealth of the Zomis.

Come with your family and friends to witness the cultural extravaganza and the colorful sights and sounds in Khuado 2012 at Delhi.

Information & Publicity Department

ZYA, Delhi Region

 

KHUADO 2012:PROGRAMME

(Organised by ZYA, Delhi Region)

Date: 01 December, 2012 (Saturday)

Time: 10:30 am to 4:30 pm

Venue: SDG (CRPF), Football Ground, JNU Old Campus 

First Session: 10:30-12:30

Compere: Pu Soilianmang

 

1

 10:30-11:00 Zaila awihna Music saite

2

 11:00-11:03 Hun apna Rev. Liankholal, Pastor, PCI (R),Delhi

3

 11:03-11:08 Vaidawn thugenna Pu K. Ginkhanthang

 

4

 11:08-11:25 Phamsate phawkna leh sunna, Lungdam kohna, Minam leh gam siansuahna, leh leitung bup Zomite’ ading thupha ngetna Rev Thawng Khan Lian, Pastor, ZCF (Vikaspuri) lehDelhiZomi Pastor teng

5

 11:25-11:30 Zaila awihna: Phamsa Mihangte Music saite

6

 11:30-11:35 Report Secretary, ZYADelhiRegion

7

 11:35-12:10 Zomi hiang tuamtuamte’ thugenna ZSF, ZEPADA, ZHRF leh ZYA

8

 12:10-12:20 Tualteek thugenna Pu Thangso Baite, M.P.

 

9

 12:20-12:30 Lungdam kohna Rev. H. Khamkhosiam, Pastor, NTBC,Delhi

 

KHUADO SUNSIAH NEK HUN  –  KHUADO LUNCH/FEAST

 

 

Second Session: 14:00-16:30

Compere: Lia Kimremmawi leh Lia Cicily

 

1

 14:00-15:00 Cultural Event Zomi hiang tuamtuam pan

2

 15:00-16:20 Musical Concert Zomi lasiam tuamtuam pan

3

 16:25-16:20 Benediction Rev. GK Samte, Director, Zomi Revival 2020

 

 

 

Zogam mual leh gual kilawm!

Bang Hangin Zomite in Khuado Bawl Ding i Hiam?

Leave a reply

Minam kician leh picing a kingaihsunte pen, pupa ngeina leh tawndan kician nei te ahi hi. Tua ahih manin pupa ngeina leh tawndan a nei khawm milip pen minam khat in kingaihsun hi. Tua ngeina leh tawndan tuamtuam i neihkhopte zuun khaw puahkhawm lo-in bang zahtakin kigawmkhawm ding i sawm zongin, amawkna pi suak ding hi.

Zomite minno tuamtuam bang hong kivawh in, nam tuamtuam bang kekin khen tampi-in i kikhen uh hi, ahih hangin minam khat i hihna uh kuamah in telkhial ngeilo hi. Bang hangin minno tuamtuam nei napi-in minam khat kici thei i hi hiam, cih a tom in kong gen ding hi. Eite pen minam khat i hihna pen bang dang hang hilo in, a hong suang i pu-pate khat hi a, i khangui zong khat hi in, ngeina khat a nei khawmte i hih man ahi hi. Min tuamtuamin hong khen zongin, i Zo ngeinate i zuun ciangin minam khat i hihna kiphawk kikkik hi. Minam khat hi a ngeina a zuun nuamlo, pu-pate tawndan zong a zui nuam lo pen minam mangthang in kingaihsun hi.

Zomite pen tualsuak minam i hi hi, ba’mcihleh leitung mun tuamtuam a tualsuak minamte mah bangin ngeina leh pu-pa tawndan kician a nei, a khang-a-khang a pu-pa satsa gam a luahsuk ngekngek minam i hih man ahi hi.

Tu hunthakah min tuamtuam hong kipiate hang leh tua minte tungtawn a, kipawlkhopna i bawl tuamtuamte hangin kitelkhialna bang piangin, unau melhaih hun bang zong na kinawk kha khin zo hi. Ahih hangin, Zominte pen minam khat i hihna bei tuan lo ahih manin, khangnote in lungsim a tangzaizaw ngaihsutna nei in, min tuamtuam-pawl tuamtuam i neihte uh sangin, i pu-pa ngeina, Zo ngeina te zuun in, i pawi tuamtuam te bawl khawm le hang zomite lak kilainatna hong khang semsem in lung kituak in mainawt ding hi hang.

Tua ahih manin, i pu-pa khanggui zom in, i pawi tuamtuamte bawlkhawm in, i Zo late sa khawm in, i Zo lamte lamkhawm in, i Zo puante silh khawm in, i Zo ngeinate zuikhawm in, i Tungsianmang pakkhawm in, i Zo gam zuunkhawm in, a-zu-a-va kemkhawm in, vulhloh gantate cingkhawm le hang Zophualva in zong Zogam hong zuan kik ding a, phualva ki-itna bang itna zomite lakah hong khang semsem in, Zomite hong khenthaang pawl tuamtuam leh min tuamtuam te hong bei hiaihiai in muihmang ding a, tualsuak zomite hanlung ciam khawm in, khang kawm diam ding hi hang.

Zo kumthak ah cidamna leh cihtheihna khattek tungah, i biak Pasian in hong piata hen. Amen.

Zogam mual leh gual kilawm!

GZA Pan Khuado Pawi Press Release

Leave a reply

LEITUNG BUP ZOMITE TUNGAH THU ZAKSAKNA

Pianna Zogam le leitung buppi ah kikhena om kong it Zomite khempeuh tungah Leitungbup Zomi Kipawlna (Global Zomi Alliance) min tawh kong hopih hi. I biak i paai Pasian kiang panin daihna le matut zawhna thuphate note khempeuh tungah a thakin hong tungkim ciat tahen!

Pasian in mihingte hong bawl ciangin a lungnuam thei ding, a kikhawl liailiai thei dinga hong bawl a hihi. Tua bang mahin minam (race) hong bawl ciangin zong kikhawl liailiai-in, nuamsa-in a kikhenglah thei dinga hong bawl a hihi. Tua banga a pianna dingin minam khempeuh tungah Pasian in Minam Pawi (cultural festival) hong piatek hi. Lai Siangtho sung en lehang zong, Pasian in Ama’ teelsa Israel minamte minam pawi na pia-in, tua pawite a hun tun simin a kum a kumin na na bawl uh hi. Gentehna-in, Purim pawi le Paisan pawi (Passover). Hih pawite in a minam uh ki-it sakin, a khang tangthute uh phawksak dena, a minam uh kiphungvuh-in koilai, koilai tung tale-uh, minam kip suak uh hi.

Ei Zomite zong Pasian in i Minam Pawi dingin Anlaak pawi ahi “KHUADO PAWI” hong pia hi. Tuuktun khat le khat kikal ciaptehna ahih manin Zomite adingin Kum Thak Pawi zong kici thei hi. I minamte kikholh khawmna ding, kikhenlahna ding leh minam kiphungvuhna ding KHUADO PAWI a hihi. Tua pen tangtawng aa kipanin i pu i pate in a na pat khanggui kizoma i neih Zomi namte pawipi a hihi. A hun pen Khuado kha mah zong i cih pah ahi Mikang kha-in October kha le Kawl kha-in Thadinkyut kha hi-a, Calendar kha-in kha sawmna a hihi.

Tu a Zomi khempeuh tungah kong zaksaknop thu in, Zomite i omom, i tuntunna-ah tua i minam pawi ahi, KHUADO PAWI i bawl hamtang nading thu a hihi. A nuam theithei-in bawlin, tukhawm khawlkhawm-in, i biak Pasian’ tungah mimal thupha le minam thupha nget khawm dingin kong phawksak nuam hi. Taanga kipanin a ni pen a kibangin seh lian theih hi lo a, Khuado kha sung hipeuh leh, eima’ vai tawh a kituak, a kilem penpen dinga bawl a hihi.

Kong it Zomite khempeuh aw, 2012 kumin zong i minam pawipi ahi KHUADO PAWI pen na omna munmun, na tunna munmun uhah, Khuado kha sungin na na bawl nadingun itna tawh kong zasak hi.

I biak Pasian in hih KHUADO PAWIPI tungtawnin leitungbupa om Zomi khempeuh a thakin thupha hong pia-in, hong mainawtpih kimciat tahen!

Itna takpi tawh,

Rev. Dr. S Pau Khan En
GZA Makaipi
August 3, 2012